31 ਬੁੱਧੀਹੀਣ, ਅਵਿਸ਼ਵਾਸੀ, ਬਿਨਾਂ ਪਿਆਰ ਦੇ, ਬਿਨਾਂ ਦਇਆ ਦੇ ਹੋ ਗਏ।
ਇਸ ਆਇਤ ਵਿੱਚ ਪੰਜ ਪਾਪ ਸ਼ਾਮਲ ਹਨ ਜੋ ਯੂਨਾਨੀ ਭਾਸ਼ਾ ਵਿੱਚ ਉਪਸਰਗ “ਨਹੀਂ/ਹੀਣ” ਨਾਲ ਸ਼ੁਰੂ ਹੁੰਦੇ ਹਨ ਅਤੇ ਹਰ ਸ਼ਬਦ ਵਿੱਚ ਇਸ ਦੋਹਰਾਅ ਦਾ ਇੱਕ ਜ਼ੋਰਦਾਰ ਅਸਰ ਹੈ। ਇਹ ਲੋਕ “ਨਹੀਂ… ਨਹੀਂ… ਨਹੀਂ… ਨਹੀਂ… ਅਤੇ ਨਹੀਂ” ਹਨ। ਇਹਨਾਂ ਪੰਜਾਂ ਸ਼ਬਦਾਂ ਦੀ ਧੁਨੀ ਮਿਲਦੀ-ਜੁਲਦੀ ਹੈ। ਇਹ ਜ਼ੋਰ ਉਹਨਾਂ ਆਤਮਾਵਾਂ ਦਾ ਵਰਣਨ ਕਰਦਾ ਹੈ ਜੋ ਪਰਮੇਸ਼ਰ ਤੋਂ ਅਲੱਗ ਹਨ।
ਬੁੱਧੀਹੀਣ
ਬੁੱਧੀਹੀਣ ਦਾ ਅਰਥ ਹੈ, ਬੁੱਧੀ ਦੇ ਬਿਨਾਂ। ਇਹ ਲੋਕ ਇਸ ਲਈ ਬੁੱਧੀਹੀਣ ਹਨ ਕਿਉਂਕਿ ਉਹ ਸੱਚਾਈ ਤੱਕ ਪਹੁੰਚਣ ਦੇ ਲਈ ਪਰਮੇਸ਼ਰ ਦੇ ਪ੍ਰਕਾਸ਼ਨ ਤੋਂ ਇਲਾਵਾ ਕਿਸੇ ਹੋਰ ਪ੍ਰਣਾਲੀ ਨੂੰ ਚੁਣਦੇ ਹਨ। ਉਹਨਾਂ ਕੋਲ ਚੀਜ਼ਾਂ ਨੂੰ ਸਮਝਣ ਦੇ ਲਈ ਪਰਮੇਸ਼ਰੀ ਸਮਝ ਨਹੀਂ ਹੁੰਦੀ ਹੈ।
ਸਿਧਾਂਤ:
ਜਿਹੜੇ ਲੋਕ ਪਰਮੇਸ਼ਰ ਦੇ ਵਚਨ ਤੋਂ ਖਾਲੀ ਹੁੰਦੇ ਹਨ, ਉਹ ਬੁੱਧੀ ਨਾਲ ਕੰਮ ਨਹੀਂ ਕਰਦੇ ਹਨ।
ਲਾਗੂ ਕਰਨਾ:
ਕੁਝ ਲੋਕ ਪਰਮੇਸ਼ਰ ਦੇ ਪ੍ਰਕਾਸ਼ਨ ਦੇ ਮਾਮਲੇ ਵਿੱਚ ਮੂਰਖ ਹਨ। ਇਹ ਇੱਕ ਅਜਿਹੀ ਮੂਰਖਤਾ ਹੈ ਜੋ ਪਰਮੇਸ਼ਰ ਦੀ ਗੱਲ ਸੁਣਨ ਤੋਂ ਇਨਕਾਰ ਕਰਨ ਤੋਂ ਆਉਂਦੀ ਹੈ। ਪਰਮੇਸ਼ਰ ਦੇ ਉਸ ਪ੍ਰਕਾਸ਼ਨ ਤੋਂ ਬਿਨਾਂ ਜੋ ਸਦੀਪਕ ਸੱਚਾਈਆਂ ਬਾਰੇ ਹੈ, ਉਹਨਾਂ ਕੋਲ ਕੋਈ ਸੱਚੀ ਨੈਤਿਕ ਸਮਝ ਸਮਝ ਨਹੀਂ ਹੋ ਸਕਦੀ।
1 ਕੁਰਿੰਥੀਆਂ 2:14, ਜਿਸ ਨੂੰ ਪਰਮੇਸ਼ਰ ਦਾ ਆਤਮਾ ਨਹੀਂ ਮਿਲਿਆ ਉਹ ਪਰਮੇਸ਼ਰ ਦੇ ਆਤਮਾ ਦੀਆਂ ਗੱਲਾਂ ਨਹੀਂ ਮੰਨਦਾ । ਉਸ ਦੇ ਲਈ ਉਹ ਸਭ ਮੂਰਖਤਾ ਦੀਆਂ ਗੱਲਾਂ ਹਨ । ਉਹ ਉਹਨਾਂ ਨੂੰ ਨਹੀਂ ਸਮਝ ਸਕਦਾ ਕਿਉਂਕਿ ਉਹਨਾਂ ਗੱਲਾਂ ਨੂੰ ਕੇਵਲ ਆਤਮਿਕ ਤੌਰ ਤੇ ਹੀ ਸਮਝਿਆ ਜਾ ਸਕਦਾ ਹੈ।
ਅਵਿਸ਼ਵਾਸੀ ਲੋਕ ਪ੍ਰਕਾਸ਼ਨ ਦੇ ਪ੍ਰਤੀ ਨਕਾਰਾਤਮਕ ਇੱਛਾ ਰੱਖਦੇ ਹਨ। ਉਹਨਾਂ ਕੋਲ ਸਦੀਪਕ ਸਿਧਾਂਤਾਂ ਨੂੰ ਆਪਣੇ ਅਨੁਭਵ ਉੱਤੇ ਲਾਗੂ ਕਰਨ ਦੀ ਕੋਈ ਸਮਝ ਨਹੀਂ ਹੁੰਦੀ ਹੈ।
