11 ਮੇਰੀ ਤੁਹਾਨੂੰ ਦੇਖਣ ਦੀ ਬਹੁਤ ਤਾਂਘ ਹੈ। ਮੈਂ ਤੁਹਾਨੂੰ ਤੁਹਾਡੇ ਉਤਸ਼ਾਹ ਦੇ ਲਈ ਆਤਮਿਕ ਵਰਦਾਨ ਦੇਣਾ ਚਾਹੁੰਦਾ ਹਾਂ। 12 ਮੇਰੇ ਕਹਿਣ ਦਾ ਭਾਵ ਇਹ ਹੈ ਕਿ ਅਸੀਂ ਇੱਕ ਦੂਜੇ ਦੇ ਵਿਸ਼ਵਾਸ ਦੁਆਰਾ ਉਤਸ਼ਾਹ ਪ੍ਰਾਪਤ ਕਰੀਏ, ਮੈਂ ਤੁਹਾਡੇ ਵਿਸ਼ਵਾਸ ਦੁਆਰਾ ਅਤੇ ਤੁਸੀਂ ਮੇਰੇ ਵਿਸ਼ਵਾਸ ਦੁਆਰਾ।
1:11
ਮੇਰੀ ਤੁਹਾਨੂੰ ਦੇਖਣ ਦੀ ਬਹੁਤ ਤਾਂਘ ਹੈ
ਰਸੂਲ ਪੌਲੁਸ ਉਸ ਦਿਨ ਦੀ ਉਡੀਕ ਕਰ ਰਿਹਾ ਸੀ, ਜਦੋਂ ਉਹ ਰੋਮ ਦੀ ਕਲੀਸਿਯਾ ਨੂੰ ਰੂਬਰੂ ਮਿਲ ਸਕੇ। ਸਾਡੇ ਸੇਵਾ ਵਿੱਚ ਨਿਸ਼ਚਿਤ ਤੌਰ ਤੇ ਇੱਕ ਮਨੁੱਖੀ ਪੱਖ ਵੀ ਹੁੰਦਾ ਹੈ।
ਮੈਂ ਤੁਹਾਨੂੰ ਆਤਮਿਕ ਵਰਦਾਨ ਦੇਣਾ ਚਾਹੁੰਦਾ ਹਾਂ
ਪੌਲੁਸ ਇੱਥੇ ਉਸ ਚੀਜ਼ ਦੀ ਗੱਲ ਨਹੀਂ ਕਰ ਰਿਹਾ ਸੀ ਜਿਸ ਨੂੰ ਅਸੀਂ “ਆਤਮਿਕ ਵਰਦਾਨ” ਕਹਿੰਦੇ ਹਾਂ। ਆਤਮਿਕ ਵਰਦਾਨ ਇੱਕ ਵਿਸ਼ੇਸ਼ ਯੋਗਤਾ ਹੁੰਦੀ ਹੈ ਜੋ ਮੁਕਤੀ ਵੇਲੇ ਪਰਮੇਸ਼ਰ ਦੀ ਵੱਲੋਂ ਸੇਵਾ ਦੇ ਲਈ ਦਿੱਤਾ ਜਾਂਦਾ ਹੈ। ਪਰ, ਪੌਲੁਸ ਇੱਥੇ ਆਪਣੇ ਹੀ ਵਰਦਾਨ ਦੀ ਗੱਲ ਕਰ ਰਿਹਾ ਸੀ, ਜੋ ਉਹ ਰੋਮੀਆਂ ਦੇ ਲੋਕਾਂ ਦੀ ਸੇਵਾ ਵਿੱਚ ਦੇਵੇਗਾ ਜਦੋਂ ਉਹ ਉੱਥੇ ਪਹੁੰਚੇਗਾ।
ਤੁਹਾਡੇ ਉਤਸ਼ਾਹ ਦੇ ਲਈ
ਪੌਲੁਸ ਦਾ ਵਰਦਾਨ ਰੋਮ ਦੀ ਕਲੀਸਿਯਾ ਨੂੰ ਮਜ਼ਬੂਤ ਕਰਨ ਜਾਂ ਉਸ ਦੀ ਉਸਾਰੀ ਕਰਨ ਦੇ ਲਈ ਸੀ। ਉਸ ਦੀ ਇਸ ਸ਼ਹਿਰ ਦੀ ਯਾਤਰਾ ਦਾ ਇੱਕ ਨਿਸ਼ਚਿਤ ਉਦੇਸ਼ ਸੀ—ਵਿਸ਼ਵਾਸੀਆਂ ਨੂੰ ਮਜ਼ਬੂਤ ਮਸੀਹੀ ਬਣਾਉਣਾ। ਹਰੇਕ ਸੇਵਾ (ਭਾਵੇਂ ਉਹ ਸੰਗੀਤ ਦੀ ਹੋਵੇ ਜਾਂ ਵਚਨ ਦੀ) ਦਾ ਉਦੇਸ਼ ਵਿਸ਼ਵਾਸੀਆਂ ਨੂੰ ਮਜ਼ਬੂਤ ਬਣਾਉਣਾ ਹੈ। ਵਿਸ਼ਵਾਸ ਵਿੱਚ ਪਰਿਪੱਕ ਹੋਣ ਦਾ ਅਰਥ ਇਹ ਹੈ ਕਿ ਅਧਿਆਤਮਿਕਤਾ ਦੇ ਅਸੂਲਾਂ ਨੂੰ ਜੀਵਨ ਵਿੱਚ ਵੱਧ ਤੋਂ ਵੱਧ ਲਾਗੂ ਕਰਨਾ।
1:12
ਮੇਰੇ ਕਹਿਣ ਦਾ ਭਾਵ ਇਹ ਹੈ ਕਿ ਅਸੀਂ ਇੱਕ ਦੂਜੇ ਦੇ ਵਿਸ਼ਵਾਸ ਦੁਆਰਾ ਉਤਸ਼ਾਹ ਪ੍ਰਾਪਤ ਕਰੀਏ
ਪੌਲੁਸ ਦਾ ਇਹ ਬਿਆਨ ਕਿ ਉਹ ਰੋਮ ਦੇ ਵਿਸ਼ਵਾਸੀਆਂ ਨੂੰ ਮਜ਼ਬੂਤ ਕਰੇਗਾ, ਇਸ ਦਾ ਇਹ ਅਰਥ ਨਹੀਂ ਸੀ ਕਿ ਉਸ ਨੂੰ ਆਪ ਉਤਸ਼ਾਹ ਦੀ ਲੋੜ ਨਹੀਂ ਸੀ। ਵਿਸ਼ਵਾਸ ਵਿੱਚ ਸੰਗਤ ਆਪਸੀ ਉਤਸ਼ਾਹ ਲਿਆਉਂਦੀ ਹੈ। ਪੌਲੁਸ ਨੂੰ ਉਹਨਾਂ ਦੇ ਵਿਸ਼ਵਾਸ ਤੋਂ ਲਾਭ ਮਿਲੇਗਾ।
ਮੈਂ ਤੁਹਾਡੇ ਵਿਸ਼ਵਾਸ ਦੁਆਰਾ ਅਤੇ ਤੁਸੀਂ ਮੇਰੇ ਵਿਸ਼ਵਾਸ ਦੁਆਰਾ
ਜਦੋਂ ਪੌਲੁਸ ਰੋਮ ਦੀ ਕਲੀਸਿਯਾ ਵਿੱਚ ਆਵੇਗਾ, ਤਾਂ ਇਸ ਦਾ ਪੌਲੁਸ ਦੀ ਰੋਮ ਦੀ ਕਲੀਸਿਯਾ ਵਿਚਕਾਰ ਆਪਸੀ ਲਾਭ ਹੋਵੇਗਾ। ਪੌਲੁਸ ਨੂੰ ਉਹਨਾਂ ਨਾਲ ਸੰਗਤ ਦੀ ਲੋੜ ਸੀ ਅਤੇ ਉਹਨਾਂ ਨੂੰ ਪੌਲੁਸ ਨਾਲ ਸੰਗਤ ਦੀ ਲੋੜ ਸੀ।
ਸਿਧਾਂਤ:
ਮਸੀਹੀ ਸੰਗਤ ਵਿੱਚ ਇੱਕ ਆਪਸੀ ਬਰਕਤ ਹੁੰਦੀ ਹੈ।
ਲਾਗੂ ਕਰਨਾ:
ਵਿਸ਼ਵਾਸੀਆਂ ਨੂੰ ਇੰਨਾ ਘਮੰਡ ਨਹੀਂ ਕਰਨਾ ਚਾਹੀਦਾ ਕਿ ਉਹ ਹੋਰ ਮਸੀਹੀਆਂ ਨਾਲ ਸੰਗਤ ਦੀ ਆਪਣੀ ਲੋੜ ਨੂੰ ਸਵੀਕਾਰ ਨਾ ਕਰਨ।
