14 ਮੇਰੀ ਜ਼ਿੰਮੇਵਾਰੀ ਯੂਨਾਨੀ ਅਤੇ ਗ਼ੈਰ ਯੂਨਾਨੀ, ਸਮਝਦਾਰਾਂ ਅਤੇ ਬੇਸਮਝਾਂ ਸਾਰਿਆਂ ਦੇ ਲਈ ਹੈ।
ਮੇਰੀ ਜ਼ਿੰਮੇਵਾਰੀ ਯੂਨਾਨੀ ਦੇ ਲਈ
ਸ਼ੁਭ-ਸਮਾਚਾਰ ਨੂੰ ਸਾਂਝਾ ਕਰਨ ਵਾਲਿਆਂ ਉੱਤੇ ਇੱਕ ਜ਼ਿੰਮੇਵਾਰੀ ਹੁੰਦੀ ਹੈ। ਪੌਲੁਸ ਨੂੰ ਪਰਾਈਆਂ ਕੌਮਾਂ ਪ੍ਰਤੀ ਖ਼ਾਸ ਜ਼ਿੰਮੇਵਾਰੀ ਮਹਿਸੂਸ ਹੁੰਦੀ ਸੀ ਕਿਉਂਕਿ ਉਹ ਪਰਾਈਆਂ ਕੌਮਾਂ ਦੇ ਲਈ ਰਸੂਲ ਸੀ। ਉਸ ਦੀ ਆਪਣੀ ਮੁਕਤੀ ਉਸ ਤੋਂ ਇਹ ਮੰਗ ਕਰਦੀ ਸੀ ਕਿ ਉਹ ਇਸ ਮੁਕਤੀ ਨੂੰ ਹੋਰਨਾਂ ਨਾਲ ਸਾਂਝੀ ਕਰੇ। ਇਸ ਨੇ ਉਸ ਨੂੰ ਉਹਨਾਂ ਦੇ ਕਰਜ਼ੇ ਹੇਠ ਰੱਖਿਆ ਜਿਹਨਾਂ ਨੇ ਅਜੇ ਤੱਕ ਮੁਕਤੀਦਾਤਾ ਨੂੰ ਨਹੀਂ ਜਾਣਿਆ ਸੀ।
1 ਕੁਰਿੰਥੀਆਂ 9:16 ਮੈਂ ਸ਼ੁਭ ਸਮਾਚਾਰ ਦਾ ਪ੍ਰਚਾਰ ਕਰਦਾ ਹਾਂ, ਇਹ ਕੋਈ ਮੇਰੇ ਲਈ ਹੰਕਾਰ ਵਾਲੀ ਗੱਲ ਨਹੀਂ ਹੈ, ਇਹ ਤਾਂ ਮੇਰੇ ਲਈ ਅਤਿ ਜ਼ਰੂਰੀ ਹੈ । ਜੇਕਰ ਮੈਂ ਸ਼ੁਭ ਸਮਾਚਾਰ ਦਾ ਪ੍ਰਚਾਰ ਨਾ ਕਰਾਂ ਤਾਂ ਮੇਰੇ ਉੱਤੇ ਹਾਏ !
ਅਤੇ ਗ਼ੈਰ ਯੂਨਾਨੀ ਦੇ ਲਈ
ਇਹ ਉਹ ਲੋਕ ਸਨ ਜੋ ਯੂਨਾਨੀ ਨਹੀਂ ਸਨ, ਭਾਵ ਜਿਹੜੇ ਯੂਨਾਨੀ ਭਾਸ਼ਾ ਨਹੀਂ ਬੋਲਦੇ ਸਨ।
ਸਮਝਦਾਰਾਂ ਅਤੇ ਬੇਸਮਝਾਂ ਸਾਰਿਆਂ ਦੇ ਲਈ
“ਸਮਝਦਾਰ” ਅਤੇ “ਅਸਮਝ” ਦਾ ਅਰਥ ਪੜ੍ਹੇ ਲਿਖੇ ਅਤੇ ਅਣਪੜ੍ਹ ਲੋਕ ਹੈ। ਪੌਲੁਸ ਸ਼ੁਭ-ਸਮਾਚਾਰ ਫੈਲਾਉਣਾ ਚਾਹੁੰਦਾ ਸੀ ਭਾਵੇਂ ਲੋਕ ਕਿਸੇ ਦੀ ਜਾਤੀ ਜਾਂ ਸੱਭਿਆਚਾਰਕ ਪਿਛੋਕੜ ਤੋਂ ਕਿਉਂ ਨਾ ਹੋਣ। ਉਸ ਵਿੱਚ ਕੋਈ ਪੱਖਪਾਤ ਨਹੀਂ ਸੀ।
ਸਿਧਾਂਤ:
ਪਰਮੇਸ਼ਰ ਇਹ ਨਹੀਂ ਚਾਹੁੰਦੇ ਹਨ ਕਿ ਅਸੀਂ ਸ਼ੁਭ-ਸਮਾਚਾਰ ਸੁਣਾਉਣ ਵੇਲੇ ਲੋਕਾਂ ਵਿੱਚ ਫਰਕ ਕਰੀਏ।
ਲਾਗੂ ਕਰਨਾ:
ਅਸੀਂ ਮਸੀਹ ਅਤੇ ਮਨੁੱਖਾਂ ਦੇ ਲਈ ਦੁੱਗਣੇ ਜ਼ਿੰਮੇਵਾਰ ਹਾਂ। ਇਹ ਹੈਰਾਨੀ ਦੀ ਗੱਲ ਹੈ ਕਿ ਬਹੁਤ ਘੱਟ ਮਸੀਹੀ ਲੋਕ ਉਹਨਾਂ ਪ੍ਰਤੀ ਜ਼ਿੰਮੇਵਾਰੀ ਮਹਿਸੂਸ ਕਰਦੇ ਹਨ ਜੋ ਮਸੀਹ ਤੋਂ ਬਿਨਾਂ ਹਨ। ਪੌਲੁਸ ਨੂੰ ਇਹ ਜ਼ਿੰਮੇਵਾਰੀ ਮਹਿਸੂਸ ਹੁੰਦੀ ਸੀ ਕਿ ਉਹ ਹਰ ਕਿਸਮ ਦੇ ਲੋਕਾਂ ਨੂੰ ਸ਼ੁਭ-ਸਮਾਚਾਰ ਸੁਣਾਏ। ਪਰਮੇਸ਼ਰ ਚਾਹੁੰਦੇ ਹਨ ਕਿ ਅਸੀਂ ਹਰ ਕਿਸਮ ਦੇ ਲੋਕਾਂ ਦੀ ਸੇਵਾ ਕਰੀਏ। ਕੋਈ ਵੀ ਸਾਡੇ ਲਈ ਹੇਠਲਾ ਨਹੀਂ ਹੋਣਾ ਚਾਹੀਦਾ ਹੈ। ਸਾਨੂੰ ਉਹਨਾਂ ਤੱਕ ਸ਼ੁਭ-ਸਮਾਚਾਰ ਪਹੁੰਚਾਉਣ ਦੇ ਲਈ ਰਾਹ ਲੱਭਣੇ ਚਾਹੀਦੇ ਹਨ। ਯਿਸੂ ਨੇ ਸਾਡੇ ਪਾਪਾਂ ਦਾ ਕਰਜ਼ਾ ਚੁਕਾਉਣ ਦਾ ਰਾਹ ਲੱਭਿਆ ਸੀ।
